प्रदेश ५

बेहुली लिएर फर्किएको जीप दुर्घटनामा, ५ को घटनास्थलमैं मृत्यु

तानसेन, पाल्पा : पाल्पामा बेहुली लिएर फर्किर्दै गरेको जिप दुर्घटना हुँदा पाँच जनाको मृत्यु भएको छ। भिरपानीमा विवाह सकेर बेहुली लिएर फर्किर्दै गरेको लु १ ज १९४१ नम्बरको जिप दुर्घटना हुँदा घटनास्थलमै पाँच जनाको मृत्यु भएको हो। पाल्पाको निस्दी गाउँपालिका ७ हुवासबाट जन्ती लिएर जिप भिरपानी पुगेको थियो।

मृत्यु हुनेमा निस्दी ७ का ४५ वर्षीय खड्गबहादुर सोमै, सोही स्थानका ५५ वर्षीय देवीलाल खन्गाह, ४५ वर्षीय लालबहादुर सारु, ५७ वर्षीय सन्तबहादुर सारु र चालक बुद्धिबल सोती रहेको इलाका प्रहरी कार्यालय रामपुरका प्रमुख प्रहरी निरीक्षक भूपालसिंह रानाले जानकारी दिए।

जिप अनियन्त्रित भइ सडकबाट करिब चार सय मिटर तल खसेको प्रहरीको भनाइ छ।

जिप अनियन्त्रित भएपछि बेहुला-बेहुली र अन्य जन्तीले भने हाम फालेर ज्यान जोगाएका छन्। दुर्घटनास्थल सदरमुकाम तानसेनबाट करिब ७० किलोमिटर टाढा पर्छ।

Facebook Comments
थप देखाउनुहोस्

सम्बन्धित लेखहरू

Back to top button