प्रविधि

हावा हुरी आउने कुरा पहिला नै थाहा हुन्छ तर मतलब छैन नेपालमा ।

अम्बरिस पोख्रेल

अब अकालमा ( शायद हावा हुरी बाढी पहिरो इत्यादि होला) कोही मर्नु पर्दैन । यो सरकारले सबै व्यवस्था गरिरहेको छ । नाइट भिजन हेलिकप्टरको नी व्यवस्था गरेको छ ।
_____ पिएम अफ नेपाल

१. विज्ञान प्रविधि क्षेत्रमा लगानी तथा अनुसन्धान गर्न नचाहने सरकार, राज्य र नेपालका विश्वविद्यालय हरु रहेको देशमा सानो सानो घटना वा परिस्थितिमा पनि धेरै धन जनको नोक्सान हुने गर्छ ।

२. विज्ञान प्रविधि क्षेत्रमा लगानी गरौँ, देश समृद्ध पारौं । तर लगानी गर्दैनन, यही दुःखद सत्य हो ।

३. हावाहुरी आउँदै छ भन्ने कुरा पहिला नै थाहा हुन्छ । तर प्रविधिको प्रयोग चालू राखेको हुनु पर्छ । त्यसको लागि पैशा विनियोजन गरिएको हुनु पर्छ । नेपाल सरकारले दुवै चीज गरेको छैन । दुवै चीज गर्ने कुरा पनि भएन । कमिसन आउँदैन । बरु अब पीडितहरु माथि राहात इत्यादिका नाममा राजनीति गर्न पाइन्छ । बरु भाषण गर्ने निम्न स्तरको अवसर पाइन्छ ।

४. पार्टीमा जो “हली जस्तो” नेता छ तर मन्त्री पनि बनाउनु पर्ने छ त्यही बिज्ञान प्रबिधि मन्त्री बनेको हुन्छ नेपालमा । यसले सरकारी तथा पार्टीको रवैया कस्तो छ भन्ने कुरा प्रस्ट हुन्छ ।

५. हिजो जस्तै यस्ता विपतमा जो पनि र जहाँ पनि पर्न सकिन्छ । त्यसैले सबै सरकारहरू र राज्य विज्ञान प्रविधि को प्रयोगमा संवेदनशील हुनु आवश्यक छ । तर यहाँ जसलाई पर्यो पर्यो । अरुलाई केही मतलब छैन । जिम्मेवार पदमा बसेका भए पनि मानिसहरू गैह्र जिम्मेवार छन्।

६. जम्मा दुई करोड खर्च गरे अग्रिम हुरी बतास पत्ता लागि हाल्छ ।

वार्षिक जम्मा दुई करोड काे दरले नेपाल सरकारले लगानी गर्ने हो भने नेपालको पूर्व मेचि देखि पश्चिम महाकालीसम्म कहाँ कहाँ कत्रो साइजको आधी हुरी आउँदै छ पहिला नै भन्न सकिन्छ । यो लगानी राज्यको लागि ठूलो हुँदै होइन तर चासो छैन । चासो छ भने सुरु गरे भयो नी ।

६. मृतकप्रति हार्दिक श्रद्धाञ्जली र घाइतेको शीघ्र स्वास्थ्यलाभको कामना गर्दछु ।

(प्रसंग हिजोको हुरीले दर्जनौंको मृत्यु तथा सयौ घाइते)

जल तथा मौसमविद डा.अम्बरिस पोख्रेल को नियमीत बुंदागत टिपोटहरु जागरणपोस्टमा नियमित प्रकाशित हुँदै आईरहेको छ।

Facebook Comments
थप देखाउनुहोस्
Back to top button