मुख्य समाचार

निर्मलाका हत्यारा गुपचुप राख्दै गृहमन्त्रालयको एकबर्षे मूल्यांकन

काठमाण्डौ – गृहमन्त्री रामबहादुर थापा बादलले आफ्नो एक वर्षे कार्यकालमा महत्त्वपूर्ण १० वटा उपलब्धि भएको दाबी गरेका छन् । गृहमन्त्रीको सचिवालयले सोमबार सार्वजनिक गरेको एक वर्षे प्रगति विवरणमा १० वटा प्रमुख उपलब्धि गर्न सफल भएको भनिएको छ ।

गृहमन्त्री थापाले एक वर्षे कार्यकालका क्रममा गृहमन्त्रालयसम्बद्ध विभिन्न २४ वटा कानुन बनाउन सफल भएको दाबी गरेका छन् । थापाले प्रमुख उपलब्धिमा मापदण्डविपरित विभिन्न उच्च पदस्थ र नेताहरुको सुरक्षामा खटिएका २ सय ७५ जना सुरक्षाकर्मीलाई फिर्ता गरी नियमित सुरक्षाकार्यमा लगाइएकोलाई पनि प्रमुख उपलब्धि भनेका छन् ।

सुन तस्करीका ठुला माछा समात्न नसकेको आलोचना भइरहेका बेला गृहमन्त्री थापाले यसलाई पनि आफ्नो कार्यकालको उपलब्धि भनेका छन् । गृहमन्त्री थापाले सुन तस्करी प्रकरणमा मुछिएका ७५ जना प्रतिवादीमध्ये ४६ जनालाई पक्राउ गरी मुद्दा चलाइएको पनि जनाएका छन् । यो प्रकरणमा ३६ जनाको चलअचल सम्पत्ति रोक्का गरिएको एक वर्षे उपलब्धि विवरणमा उल्लेख छ ।

यी हुन् गृहमन्त्रीका उपलब्धि

१) यस वर्ष विभिन्न २४ वटा कानुन तर्जुमा गर्ने लक्ष्य रहेकोमा २!
वटा कानूनहरू तर्जुमा गर्ने कार्य सम्पन्न भएको ।

२) मापदण्ड विपरीत विभिन्न व्यक्तिह?को सुरक्षार्थ खटिएका २ सय ७५
जना सुरक्षाकर्मी फिर्ता गरी सुरक्षा कार्यमा लगाइएको छ ।

३) महिला बालबालिका सम्बन्धि छुट्टै अपराध तथा अनुसन्धानको लागि १४ वटा भवन निर्माण सम्पन्न भएको । साथै जबरजस्ती करणी अपराधका घटनाहरुमध्ये ९५% घटनाहरूको सफल अनुसन्धान गरिएको ।

४) अवैध सुन तस्करी र संगठित अपराधको सन्जाल नियन्त्रणमा सफलता प्राप्त भएको छ । सुन तस्करीमा संलग्न ७५ जना प्रतिवादी मध्ये ४६ जना पक्राऊ परेका, ३! जना फरार रहेका र ३४ जनालाई अदालतबाट पुर्पक्षको लागि थुनामा पठाइएको छ । ३६ जना अभियुक्तहरूको चलअचल सम्पत्ति रोक्का गरिएको छ ।

५) यातयात क्षेत्रमा रहेको लामो समयसम्मको सिण्डिकेटको अन्त्य गर्न यातयात सम्बन्धि संघसंस्थाह? नवीकरण गर्ने कार्य बन्द गरिएको । राजमार्गमा हुने अवरोध हटाउन सुरक्षा कारवाहीको कार्यविधि तयार गरी ७७ वटै जिल्लामा लागू गरिएको छ साथै यस अवधिमा राजमार्गमा यातयात सेवा सञ्चालनमा अवरोध आएको छैन ।

६) विपद् व्यवस्थापनको पूर्व तयारी, खोज उद्धार, राहत र पुर्नस्थापनाको कार्य प्रभावकारी रुपमा संचालन गरिएको छ । प्रत्येक प्रदेशमा १२५/१२५ जनाको विपद् व्यवस्थापन गुल्म स्थापना गर्ने लक्ष्य गृह प्रशासन सञ्चालनको एक वर्षमा हासिल भएका मुख्य मुख्य उपलब्धीहरु रहेकोमा नेपाल प्रहरी तर्फ ७ वटै प्रदेशमा गरी विपद् व्यवस्थापन कार्यदलमा ५१७ जनशक्ति खटिएको । सशस्त्र प्रहरी बल तर्फ प्रत्येक यूनिटमा ५०/५० जनाको टोली खटिएको । शीतलहरबाट नागरिकलाई जोगाउनका लागि पूर्व तयारी गरी तराई र हिमाली जिल्लामा समयमै न्यानो कपडा वितरण गरिएको हुँदा चिसोका कारणले मानवीय क्षती भएको छैन ।

७) पाँचथर जिल्लाका १ लाख १० हजार नागरिक र सिंहदरवार भित्रका ७ हजार कर्मचारीहरुलाई राष्ट्रिय परिचयपत्र उपलव्ध गराउने कार्य
सुरु गरिएको छ ।

८) सबै जिल्लाका प्रमुख जिल्ला अधिकारीहरुसँग कार्यसम्पादन सम्झौता गरी कार्यान्वयनमा ल्याइएको छ । प्रमुख जिल्ला अधिकारीको
कार्यसम्पादनको मूल्याङ्कन सोही आधारमा हुने व्यवस्था मिलाइएको छ ।

९)मुलुकको संघीय संरचना अनुरुप सबै स्थानीय तहमा शान्ति सुरक्षा कायम गर्न नेपाल प्रहरीको पहुँचलाई ७५३ स्थानीय तहमा विस्तार
गरी सम्पूर्ण स्थानीय तहमा नेपाल प्रहरीको उपस्थितिको व्यवस्था मिलाई सकिएको छ र विगतको तुलनामा यस अवधिमा प्रहरी गतिशीलतामा १३.१५% ले वृद्धि भएको छ । सशस्त्र प्रहरी बल नेपालको सीमा सुरक्षातर्फ १० वटा थप वोर्डर आउटपोष्ट सहित ५६ वटा नयाँ एकाइहरु स्थापना गरिएको छ ।

१०) विदेशी नागरिक अनुगमन निर्देशिका कार्यान्वयनमा ल्याइएको छ । बिद्युतीय टोकन प्रणाली मार्फत प्रवेशाज्ञा वितरण सेवा सुरु गरिएको छ । नेपाल र संयुक्त राज्य अमेरीकावीच पारस्परिकताका आधारमा बहुवर्षीय प्रवेशाज्ञा उपलव्ध गराउने व्यवस्था मिलाइएको छ । अध्यागमनको आधुनिकरण र व्यवस्थित गर्ने कार्य प्रारम्भ गरिएको छ ।

Facebook Comments
थप देखाउनुहोस्

सम्बन्धित लेखहरू

Back to top button